Azərbaycan, Bakı / / Trend , müxbir İ.Xəlilova / Azərbaycanın İxracın və İnvestisiyaların Təşviqi Fondu Lənkəranda himayəçilərin səfər görüşünün keçirilməsi ideyasından imtina edərək, oktyabrın sonuna qədər Himayəçilər Şurasının növbəti yığıncağını keçirməyə hazırlaşır. Bu barədə bazar ertəsi AZPROMO-nun Müşahidə Şurasının sədri Çingiz Əsədullayev məlumat verib.
İclasda müzakirə olunacaq məsələlərə yeni üzvlərin qəbul edilməsi, tədbirlər planının düzəlişi daxildir. Əsədullayevin sözlərinə görə, Himayəçilər Şurasına 7-8 şirkət daxil olmağa maraq göstərir. AZPROMO-nun 94 üzvü var.
İclasda müəssisənin bu il üçün düzəliş olunmuş planı təsdiq olunacaq. Plan artıq bu il mayın 26-da AZPROMO-nun Müşahidə Şurası tərəfindən nəzərdən keçirilib. Fondun tərəfdaşlarının təşəbbüsü ilə biznes-forum, konfrans və təqdimat, sərgi, nəşr və marketinq araşdırmaları ilə bağlı bir neçə təqvim hazırlanıb.
2007-ci ilin sonuna qədər 7-8 marketinq araşdırması, 60 ticarət missiyası və konfrans, 10 sərgi, 10 nəşr təşkil etmək planlaşdırılır.
