Azərbaycan, Bakı / Trend / 2007-ci ilin yanvar-avqust ayları ərzində əhalinin "Azərdəmiryolbank" ASC vasitəsilə həyata keçirdiyi kommunal və digər pərakəndə ödənişlərin həcmi 10,05 mln. manat təşkil edib ki, bu da ötən ilin analoji dövrünün göstərici ilə müqayisədə 6,2 dəfə çoxdur. Bankın mətbuat xidmətinin verdiyi məlumatda bildirilir.
Ödəmə əməliyyatlarının artımı göstərilən xidmətlərin bütün növləri üzrə qeydə alınıb.
İstifadə olunan elektrik enerjisinə görə ödənişlər 1,2 mln. manata qədər, qaz üzrə ödənişlər 161 min manata, suya görə ödənişlər isə 93,2 min manata qədər artıb.
Mobil rabitə operatorları "Azercell", "Bakcell", "Azerfon" operatorları tərəfindən göstərilən xidmətlərə üzrə ödənişlər 1,4 mln. manata qədər artıb. Büdcəyə həyata keçirilən ödənişlər 475,5 min manata, digər ödənişlər isə 42 dəfəyə qədər artıb.
