Azərbaycan, Bakı/ Trend / Qiymətli Kağızlar üzrə Dövlət Komitəsi tərəfindən "Royal Bank of Baku" ASC-nin faizli sənədsiz adlı istiqrazların emissiya prospekti qeydə alınıb.
Emissiyanın həcmi 4 mln. AZN, bir istiqrazın nominal dəyəri 1.000 AZN, istiqrazlar üzrə illik faiz dərəcəsi 14,5%, dövriyyə müddəti isə, 540 gündür.
Emissiya prospektinə əsasən, yerləşdirmə kütləvi təklif üsulu ilə Bakı Fond Birjası vasitəsi ilə keçiriləcək. İstiqrazların yerləşdirilməsində anderrayter vəzifəsində "AzərİnterTreyd" MMC çıxış edir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
