Azərbaycan, Bakı / " Trend ", müxbir İ.Xəlilova/ Çərşənbə axşamı parlamentdə Hesablama Palatasının sədri Heydər Əsədov məlumat verib ki, Azərbaycanın Hesablama Palatası büdcə xərclərinin formalaşdırılmasını proqram əsasında həyata keçirməyi təklif edir, başqa sözlə, müəyyən sahələrdə xərclərin proqnozlaşdırılması zamanı, əvvəlki ildə dövlət proqramının icrasının nəticələrindən çıxış etməyi təklif edir. Əsədov 2008-ci il dövlət büdcəsi layihəsi ilə bağlı yekun fikirlərim təqdim edib.
Hesablama Palatası hesab edir ki, gələn il büdcə vəsaitlərinin bölüşdürülməsi zamanı şəffaflıq artacaq. gələn ildən büdcə xərclərinin 2%-dən çox olmayan hissəsi "digər xərclər" maddəsinə uyğun olaraq bölünəcək.
Gələn ilin büdcəsinin yeniliyi bir də ondan ibarətdir ki, 2008-ci ildən başlayaraq, yanacaq-energetika sektoruna dolayı yolla yönəldilmiş subsidiyalar aradan qaldırılacaq, bu da daxilolmaların həcmini artıracaq. Neft gəlirlərinin idarə edilməsində də şəffaflıq artacaq, belə ki, Azərbaycanın Dövlət Neft Fonduna neft gəlirlərinin daxil olması mexanizmi dəyişəcək.
Bundan əlavə, Əsədov hesab edir ki, subsidiyaların verilməsi xüsusi proqramlar əsasında həyata keçirilməli, səhmdar cəmiyyətlərin dividendləri də büdcəyə daxil olmalı, Azərbaycanın Dövlət Neft Fondunun vəsaitlərinin istifadə olunması ayrı-ayrı göstərilməlidir.
"2008-ci ilin dövlət büdcəsinin proqnozlaşdırılması zamanı Azərbaycan hökuməti daha konservativ yanaşmadan istifadə edib, bu da ÜDM-in artım templərinin aşağı düşməsinin dinamikası ilə izah olunur" - deyə Əsədov qeyd edib. Əsədovun sözlərinə görə, proqnozların hazırlanmasında davamlılıq müşahidə olunur ki, bu da ölkə daxilindəki vayutanın həcminin artması və infilyasiyanın artımının qarşısınrnı alınmasının vacibliyi ilə bağlıdır.
Bununla əlaqədar olaraq büdcənin gəlir və xərclər hissəsinin artım templəri aşağı düşüb. Büdcə kəsirinin yerinin doldurulmasının sterilizasiyası, əsasən, qiymətli kağızların emissiyası hesabına təmin olunacaq. Əsədov gəlirlərin ÜDM -ə nisbətdə ümumi çəkisinin artmasını təqdirəlayiq hesab edir.
"Bu o deməkdir ki, ölkənin gəlirlərinin böyük hissəsi büdcə vasitəsilə bölünəcək, bu da büdcənin tənzimləyici rolunu artırır" - deyə Əsədov hesab edir.
