Azərbaycan, Bakı / Trend , müxbir U.İsmayılova/ Noyabrda Bakının tikinti materialları bazarında qiymətlər oktyabr ayına nisbətdə 0,5 faiz, 2006-cı ilin analoji dövrü ilə müqayisədə isə, 14,5 faiz artıb. Bu barədə "Əmlak bazarı iştirakçıları" İctimai Birliyindən məlumat verilib.
Azərbaycanda istehsal olunan materialların payı 33,8 faiz təşkil edib ki, bu da təxminən ötən ayların göstəricilərinə bərabər olub.
Monitorinq 86 növ və 41 adda tikinti materialı üzrə aparılıb.
Ümumilikdə 86 tikinti materialından 11-də artım müşahidə olunub. Digər növlərdə isə, qiymətlər stabil olaraq qalıb.
Artım, əsasən, tikinti qumu, taxta və metal borular üzərində müşahidə olunub.
