Azərbaycan, Bakı, 9 yanvar/ " müxbir Ü.İsmayılova/ Məcburi tibbi sığorta Azərbaycanda fevraldan tətbiq olunacaq. Bu barədə çərşənbə günü Sosial məsələlər üzrə parlament komissiyasının rəhbəri Hadı Rəcəbli məlumat verib.
"Yanvarın sonunadək Nazirlər Kabineti və Səhiyyə Nazirliyi ilk tibbi yardım xidmətləri üzrə məcburi sığorta hüququna malik insanların siyahısını tərtib edəcək" -Rəcəbli bildirib.Deputat bildirib ki, ilk tibbi yardım siyahısına 190-a yaxın xidmət daxil olacaq.
Dekabrda Azərbaycanın Nazirlər Kabineti nəzdində Məcburi Tibbi Sığorta üzrə Agentlik yaradılıb. Tibbi sosial sığorta sisteminin yaradılması səhiyyə sistemində islahatlar, tibb xidmətlərinin keyfiyyətinin yaxşılaşdırılması çərçivəsində həyata keçirilir. Sistemin tətbiqi üçün 2008-ci ildə dövlət büdcəsindən 1.4 mln. manat ayrılıb. Pilot rayon kimi Siyəzən seçilib.
Azərbaycan Əhalinin Sosial Müdafiə Fondu bir qədər əvvəl məcburi tibbi sığorta ödəmələrinin toplanılması təcrübəsini nəzərə alaraq, tibbi sığorta vəsaitlərinin yığılmasında öz iştirakını təklif edib. Lakin vəsaitlərin toplanılması ilə yaradılan Agentlik məşğul olacaq.
Rəcəblinin sözlərinə görə, sığorta gəlirlərindən tutulmaların dəqiq faizi hazırlıq işləri başa çatdırıldıqdan sonra müəyyən ediləcək.
" Bu, təxminən 2.5-3% olacaq"-o bildirib.
