Azərbaycan, Bakı, 15 yanvar/ " müxbir Ü.İsmayılova/ Dekabrda Bakının təkrar əmlak bazarında bir kvadratmetr mənzil sahəsinin orta qiyməti $1528 təşkil edib. Bu barədə "Əmlak Bazarı İştirakçıları" Birliyinin çərşənbə axşamı yayılan məlumatında deyilir.
Dekabrda bazara kvadratmetri üçün $1528 aşağı təklif olunan mənzillərin payı 4,1% , bu qiymətdən yuxarı isə 6,4% təşkil edib.
Əhəmiyyətli artım şəhərin üçüncü və dördüncü zonalarında, stabillik isə, birinci zonasında müşahidə olunub.
Dekabrda qiymət artımı təkrar bazarda təklif edilən "Leninqrad" tipli layihələrdə (38,1%) , həmçinin "Kiyev" layihələrində (36,4%) müşahidə olunub. Təkrar bazarda yeni tikilən binaların payı 13,7% , "Leninqrad" layihələrinin payı isə 28,4 % olub.
Dekabrda şəhər üzrə orta sahəsi 69,8 kv. metr olan bir mənzilin orta qiyməti $102040 olub.
