Azərbaycan, Bakı, 08 fevral/ " , müxbir İ.Xəlilova/ Avpropa Şurasının "çirkli" pulların yuyulması üzrə ekspert qrupu Moneyval Azərbaycanın FATF standartlarına uyğunluğunun ikinci qiymətləndirilməsini aprelin sonunda keçirməyə hazırdır. Bu barədə "çirkli" pulların yuyulması üzrə idarələrarası İşçi qrupun rəhbəri, Azərbaycan Milli Bankının İdarə Heyətinin sədr müavini Rüfət Aslanlı məlumat verib.
Azərbaycan hökuməti ilə planların və gələcək fəaliyyətin müzakirəsi, həmçinin ikinci qiymətləndirmə raunduna hazırlıq üçün Avropa Şurasının və Moneyval-ın birgə missiyası Bakıya gəlib və bu gün ölkəni tərk edib.
"Danışıqlar konstruktiv axarda keçib və mən Moneyval-da qrup rəhbəri kimi danışıqların gedişatından razıyam" - Aslanlı bildirib.
Avropa Şurası və o cümlədən Moneyval "çirkli" pulların yuyulması və terrorizmin maliyyələşdirilməsinin qarşısının alınması üzrə beynəlxalq standartların tətbiqi məqsədilə problemlərin aşkar edilməsi və aradan qaldırılmasına yönəlmiş çoxşaxəli alətdir.
"Biz bu müzakirələrin gedişində Azərbaycan hökuimətinin gələcək addımları haqqında öz baxışlarımızı birgə qiymətləndirmişik. Düşünürəm ki, biz həm ölkə hökuməti həm də Moneyval-ı qane edən nəticələr əldə etmişik", - Aslanlı bildirib.
Azərbaycan 2003-cü ilin sonunda Moneyval-ın yeni təlimatlarına əsasən, qiymətləndirməni keçirən ilk ölkə olub. Onlar FATF-ın "40 + 8" prinsipi (çirkli pulların yuyulmasının qarşısının alınması üzrə 40 və terrorizmin maliyyələşdirilməsinin qarşısının alınması üzrə 8 standart) üzrə standartların hər birinə uyğunluğa dair ayrı-ayrı qiymətləndirmə kompleksidir.
Lakin standartlardan hər biri ümumilikdə 180 yarımbənd təşkil edən bir neçə abzasa malikdir. Bütün bəndlərə görə vahid qiymətləndirmə verilmir və ölkə hər bənd üzrə ayrılıqda qiymətləndirmə alır. Azərbaycan FATF-ın standartlarına nəzərəçarpacaq dərəcədə uyğundur və Moneyval tərəfindən ölkəyə verilən qiymətləndirmə idarələrarası ekspert qrupu çərçivəsində verilən qiymətləndirmədən yüksəkdir.
İlk qiymətləndirmə raundu 2003-cü ilin mayında keçirilib. Onun əsasında Azərbaycan FATF-ın yenilənmiş standartlarına uyğun ölkələr kateqoriyasına aid edilib. O andan başlayaraq standartlara terrorizmin maliyyələşdirilməsinin qarşısının alınması haqqında əlavə bəndlər əlavə edilib.
Moneyval-ın əsas tələbi ölkə parlamentində bu il qəbul edilməsi gözlənilən "Çirkli pulların yuyulması və terrorizmin maliyyələşdirilməsinin qarşısının alınması haqqında" qanun layihəsinin qəbul edilməsidir. Bundan sonra maliyyə monitorinqi orqanı təsis ediləcək.
