Azərbaycan, Bakı, 11 fevral/ " , müxbir Ü.İsmayılova/ Azərbaycanda Gürcüstan və Qazaxıstana təsir göstərmiş ABŞ-dakı ipoteka böhranının təsir simptomları yoxdur. Bu barədə bazar ertəsi Azərbaycan Milli Bankının İdarə Heyətinin sədri Elman Rüstəmov məlumat verib.
"Milli Bank bu vəziyyəti qabaqcadan görüb. Biz artıq bir neçə aydır ki, böhranın qarşısını almaq üçün banklarla dialoq aparırıq " - Rüstəmov bildirib.
Qazaxıstan və Gürcüstan dünya ipoteka böhranı ilə bağlı problemlərlə üzləşiblər. Buna səbəb Qazaxıstan banklarının vəsaitlərin qısa müddətə götürülməsinə baxmayaraq, uzun müddətli dövr üçün ipoteka krediti vermələri olub. Böhran nəticəsində əcnəbi investorlar bu banklara əlavə investisiyalar verməkdən imtina edirlər.
Rüstəmovun sözlərinə görə, bank hazırda böhranın qarşısını almaq üçün nizamlayıcı və iqtisadi tədbirlər hazırlayır. "Yəqin ki, bu, bankın daxilində korporativ sistemin gücləndirilməsinə yönələcək tədbirlər olacaq" - Rüstəmov söyləyib.
ABŞ-dakı ipoteka böhranı hələ 2006-cı ildə başlayıb. Bunun əsas səbəbi etibarsız borc götürənlər tərəfindən mənzil kreditlərinin qaytarılmaması səviyyəsinin artımı olub. Böhran nəzərəçarpacaq olub və 2007-ci ilin yazından beynəlxalq miqyas almağa başlayıb. Beynəlxalq bazarlarda likvidlik böhranı qeydə alınmağa başlayıb. Dünyanın bütün mərkəzi bankları öz maliyyə sistemlərinə onlarla və yüzlərlə milyard dollarlar daxil etməyə başlayıblar.
Məqalə müəllifi ilə [email protected] ünvanı ilə əlaqə saxlamaq olar.