Azərbaycan, Bakı, 22 fevral/ Trend , müxbir İ.Xəlilova/ Azərbaycanın Kənd Təsərrüfatı Nazirliyi aqrar sektora subsidiyaların məbləğini təqribən 100 mln. manatadək artırılması təklifilə çıxış edib. Bu barədə cümə günü Nazirliyin bitkiçilik və toxumçuluq şöbəsinin müdiri Sabir Vəliyev məlumat verib. 2008-ci ilin dövlət büdcəsində bu məqsədlə 80 mln. manat ayrılıb.
Onların verilməsinə Nazirlər Kabineti Tərəfindən yeni qaydalar təsdiq olunduqdan sonra başlanılacaq. Onun sözlərinə görə, subsidiyaların paylanması mexaniziminə dəyişikliklər səpilən hər hektara görə onun məbləğinin 2007-ci ildə təsdiq olunan 40 manatdan 50 manatadək artması ilə əlaqədardır. Bu ötən ilə nisbətən bu il, toxum istehsalının 50 faiz artırılması ilə əlaqədardır.
Ötən il taxıl bitkilərinə olan kvota 8 min ton təşkil edirdisə, bu il bu göstərici 16 min tonadək artacaq.
Səpin materiallarının istehsalı ilə bağlı əlavə subsidiyaların tətbiq ediləcəyi güman edilir.
"Fermerlər, müxtəlif reproduksiyalı toxumların istehsalının 50 faizdən çox artması ilə əlaqədar, əlavə vəsaitlər ayrılması ilə bağlı bizə müraciət ediblər", - Vəliyev bildirib.
Ötən il onların istehsalı 100-200 min ton səviyyəsində olub. Lakin bu il istehsalın bir mln. tonu ötəcəyi gözlənilir. Onun sözlərinə görə, xüsusi diqqət tərəvəz toxumlarının reproduksiyasının artırılmasına ayrılır.
O hesab edir ki, məhz hava şəraiti (qar yağması) kənd təsərrüfatı məhsullarının, o cümlədən taxıl bitkilərinin istehsalının artmasına müsbət təsir göstərib. Gözlənilir ki, buğda əkini sahələri 130 min ha-dan 601 min ha-dək artacaq. Ümumilikdə bu il əkin sahələri 734 min ha-dan 828 min ha-dək artacaq.
2007-ci ildə Azərbaycanın dövlət büdcəsindən kənd təsəsrrüfatına subsidiya ayrılması üçün kompensasiya məqsədilə fermerlər tərəfindən alınan yanacaq və mineral gübrələrə 68,9 mln. manat ayrılıb. Yanacaq, mühərrik yağı, mineral gübrələrin güzəştli alışı üçün maliyyə yardımının alıcıları 596 806 min fiziki və 12 hüquqi şəxs olub.
Kapital Bank dövlət bankı subsidiyaların verilməsi üzrə hökumətin agenti təyin edilib. Kənd təsərrüfatı istehsalçılarına maliyyə dəstəyinin ayrılması üçün yeni mexanizm ötən ildən tətbiq edilib.