Azərbaycan, Lənkəran, 03 mart / Trend , P.Əliyeva/ Lənkəran şəhərində yanvar-fevral aylarında qanunsuz tikilən15 obyekt sökülüb. Bu barədə Lənkəran rayon İcra Hakimiyyətinin tikinti-memarlıq şöbəsinin müdiri Mətləb İbrahimov məlumat verib. Ötən il Lənkəran rayonunda 57 qanunsuz tikilən obyekt sökülüb.
İbrahimovun sözlərinə görə, bu il qanunsuz tikililərlə bağlı yoxlamalar yalnız Lənkəran şəhərində aparılıb. Martın əvvəllindən Lənkəranın kəndlərində yoxlamalara başlanılacaq. Onun sözlərinə görə, qanunsuz tikililər İcra Hakimiyyətinin iddiası əsasında məhkəmə qrarından sonra sökülür.
Lənkəran paytaxt Bakıdan 270 kilometr cənubda yerləşir. Əhalisi 204 min nəfərdir.
