Azərbaycan, Bakı, 05 may/ Trend , müxbir İ.Xəlilova/ "Azərbaycan İnvestisiya Şirkəti" SC 90 mln. manat səviyyəsində formalaşdırılan Nizamnamə kapitalının artırılması ilə bağlı hökumətə müraciət etməyi planlaşdırır. Bu barədə AİŞ icraçı direktorunun müavini Riad Qasımov məlumat verib. Bu məsələ hazırda Şirkətin Müşahidə Şurasında nəzərdən keçirilir.
"Biz hökumətin Cənubi Koreyanın KEPKO şirkəti tərəfindən birinci özəl istilik elektrik stansiyasının tikintisi layihəsinin reallaşdırılmasının təqdir edilməsinə dair qərarından asılı olaraq, adaptasiya edəcəyik, - Qasımov qeyd edib.Belə ki, biz yalnız bu layihəyə, 80 mln. dollar investisiya yatırmaq niyyətindəyik". Buna müvafiq olaraq, AİŞ-in kapitalı minimum 100 mln. manat artırıla bilər. Bununla yanaşı, o hesab edir ki, İnvestisiya Şirkəti vəsaitləri dövlət subsidiyaları hesabına cəlb etməyə bilər. Bu məsələ Müşahidə Şurasının səlahiyyətində olsa da, əsas məqsəd, xaricdən vəsait cəlb edə və öz qiymətli kağızlarını yerləşdirə biləcək şirkətin qurulmasıdır.
"Yeganə problem şirkətin hələ ki, tarixinin kiçik olmasıdır. Lakin, bizim prinsip etibarilə dövlət şirkəti olmağımız yardım edir, - AİŞ direktorunun müavini dəqiqləşdirib. Bizim üç ildən az fəaliyyət göstərməyimiz o qədər də yaxşı nəticə deyil. Düşünürəm ki, üç ilə biz əlavə vəsaitləri cəlb edə biləcəyimiz sxem qura biləcəyik".
Bu gün Azərbaycan İnvestisiya Şirkəti altı layihədə iştirak edir və bu layihələrə 55,2 mln. manat investisiya yatırmaq haqqında qərar qəbul edilib. İnvestisiya Şirkətinin ilkin kapitalı Azərbaycan Dövlət Neft Fondunun vəsaitləri hesabına 90 mln. manat səviyyəsində formalaşdırılıb.
Azərbaycan İnvestisiya Şirkətinin investisiyalarının minimal həcmi 1 mln. manat səviyyəsində həyata keçirilə bilər. Maksimal hədd bir layihəyə və ya onunla törəmə struktura AİŞ kapitalının 20 faizi ölçüsündə müəyyən edilib. Bu gün bu hədd 18 mln. manat təşkil edir, lakin o, AİŞ-in kapitalının artması ilə əlaqədar dəyişəcək.
AİŞ kapitalından hər hansı bir sahəyə 35 faizədək investisiya yatırıla bilər (31,5 mln. manat). Lakin bununla yanaşı, Müşahidə Şurasının xüsusi qərarı ilə bu bənd üzrə istisna edilə bilər və ona görə 35 faiz oriyentir hesab edilir. Təklif olunan layihələrin əhəmiyyəti və effektliyi şərti ilə bu limitdən kənara çıxmaq mümkündür.
AİŞ ölkə prezidentinin 2006-cı il 30 mart tarixli sərəncamına əsasən yaradılıb.
Müəlliflə əlaqə saxlamaq üçün elektron ünvan: [email protected]
