Azərbaycan, Bakı, 08 may/ Trend , müxbir Ü.İsmayılova/ Azərbaycanda 400 mindən çox qanunsuz yaşayış binası var. Bu barədə cümə axşamı Dövlət Xidmətinin rəhbəri Arif Qaraşov məlumat verib. Problem Dünya Bankı ilə birgə layihə çərçivəsində həll ediləcək.
"Dünya Bankının ekspertləri onların qanuniliyini və yerləşdiyi yerləri, onların təhlükə səviyyəsini qiymətləndirəcəklər", - Qaraşov bildirib. Onun sözlərinə görə, DB-nin ekspertləri tikintinin bütün qəbul edilmiş standartlar əsasında aparıldığı barədə rəyə gəlsələr, bu obyektlər qanuniləşdiriləcək. Lakin, evlərin kanalizasiya, su xətləri və ya elektrik ötürücü xətlərin kəsişməsində tikilməsi aşkar edilərlsə - həyat üçün təhlükəli olarlarsa bu evlərin sakinləri köçürüləcəklər.
"Onlara kompensasiyasnın ayrılması və ya daha əlverişli yaşayış şəraitinə köçürülmələri məsələsi problemin hökumətə təqdim edilməsindən sonra həll ediləcək", - Qaraşov bildirib.
Azərbaycan hökuməti və Dünya Bankı (DB) 2007-ci ilin iyulunda daşınmaz əmlakın vahid kadastrı sisteminin birgə tətbiqi haqqında saziş imzalayıblar.
Layihə dörd komponentdən ibarətdir - daşınmaz əmlakın qeydiyyatı; dövlət əmlakının idarə edilməsi və reyestri; baza xəritəçəkməsi və torpaq kadastrı; treninqlər, siyasətin və layihənin idarə edilməsinin formalaşdırılması. Layihənin dəyəri $38,57 mln.-dır və bunun $30 mln.-u DB-nin kreditinin payına düşür. Kredit ehtiyatları 5 il güzəştli dövr olmaqla, 20 il müddətinə ayrılıb.
Müəlliflə əlaqə saxlamaq üçün elektron ünvan: [email protected]
