Azərbaycan, Bakı, 12 may / Trend , müxbir İ.Xəlilova/ Azərbaycanın Milli Bankı (AMB) ölkə hökumətinə, hazırlanan ərzaq təhlükəsizliyi proqramı çərçivəsində, kənd təsərrüfatının inkişafının maliyyələşdirilməsi üzrə təkliflər təqdim edib. Bu barədə bazar ertəsi AMB İdarə Heyətinin sədr müavini Rüfət Aslanlı məlumat verib.
Təkliflər suvarma, fermerlərin irriqasiya fəaliyyətindən başlayaraq, satış şəbəkələrinin yaradılmasınadək, aqraq istehsalın bütün silsiləsini maliyyələşdirəcək yeni institutun yaradılmasını nəzərdə tutur.
"Bu gün Azərbaycanda kənd təsərrüfatının maliyyələşdirilməsi üçün bankın yaradılmasına ehtiyac var, - Aslanlı bildirib. Bunun üçün mövcud infrastrukturun müasirləşdirilməsi yolu ilə ondan istifadə edilməsi məqsədəuyğun olardı. Lakin, bu qərar hökumətdən asılıdır".
[Hazırda Azərbaycanda "Aqrar-kredit" bank olmayan kredit təşkilatı fəaliyyət göstərir və o, statusunun dəyişdirilməsi və kənd təsərrüfatı bankına çevrilməsi üçün AMB-ə müraciət edib].
AMB fermerlərin dövlət tərəfindən verilən kreditlər vasitəsilə dəstəklənməsini təklif edir ki, bu da kredit kooperativlərinin, kənd yerlərinin inkişafı üçün ixtisaslaşdırılmış bankın, fermerlər üçün bankın və s. yaradılması ilə mümkündür.
Aslanlının sözlərinə görə, Azərbaycan belə məsələləri həll edən birinci ölkə deyil.
"Kənd təsərrüfatının inkişafında, nümunə üçün, kənd təsərrüfatı istehsalının maliyyələşdirilməsində müsbət nəticələrə nail olan bir sıra ölkələrin çox effektli modelləri var, - AMB İdarə Heyəti sədrinin müavini əlavə edib. Biz bu məsələni bir il əvvəl, beynəlxalq təşkilatların ərzaq təhlükəsizliyindən danışmağa başlamasınadək qaldırmışdıq".
AMB ərzaq təhlükəsizliyi sahəsində müstəqil olan ayrı-ayrı ölkələrin təcrübəsini öyrənib və xüsusi təkliflər hazırlayıb. Bundan əlavə, Milli Bank beynəlxalq maliyyə institutları - AYİB, Alman inkişaf bankı KfW, Beynəlxalq Maliyyə Korporasiyası ilə intensiv müzakirələr aparıb
Müəlliflə əlaqə saxlamaq üçün elektron ünvan: [email protected]
