Azərbaycan, Bakı, 22 may/ Trend müxbir İ.Xəlilova/ Azərbaycan Fransanın BNP Paribas bankının Muğanlıdan Yevlaxadək avtomobil yolunun (Bakı-Şamaxı-Yevlax magistralının bir hissəsi) yenidənqurma layihəsini maliyyələşdirilməsindən imtina edib. Bu barədə çərşənbə günü ölkə hökumətindən məlumat veriblər. Maliyyələşdirmədən imtina danışıqların sonuncu mərhələsində - kredit sazişinin imzalanması üçün səlahiyyətlərin alınması mərhələsində baş verib.
"Bu avtomobil yolunun tikintisi üzrə işlərin maliyyələşdirilməsi üçün, arıtq xarici kreditlərin cəlb edilməsi nəzərdə tutulmur və istisna deyil ki, o, daxili vəsaitlər hesabına həyata keçiriləcək", - mənbə bildirib.
BNP Paribas Muğanlıdan Yevlaxadək 156 km uzunluğunda avtomobil yolu sahəsinin yenidən qurulmasına $320 mln. ayırmağa hazırdır. Əldə edilmiş razılığa əsasən, vəsaitlər İsralin ASHRA sığorta korporasiyasının zəmanəti altında təklif edilmişdi. Kredit 4 il güzəştli dövr olmaqla 14 il müddətinə və illik libor+0,45 faiz dərəcə ilə təklif edilib. Əvvəllər bank $400 mln. kredit ayırmağa hazır olub. Bu məbləğin $80 mln.-kommersiya şərtləri ilə olub. Azərbaycan danışıqların gedişində fransız bankının kreditinin kommersiya hissəsindən imtina edib və hökumət çatışmayan hissəni özü maliyyələşdirməyə hazır olub.
Hazırda Fransa bankı ilə uzunluğu 164 km olan Yevlax - Zaqatala - Gürcüstan sərhədi dəmir yolunun ikixətlidən dördxətliyədək genişləndirilməsi layihəsi üzrə danışıqlar aparılır. Bankdan kredit sazişinin alınacağı gözlənilir. Layihənin reallaşdırlması üçün BNP Paribas Yaponiya Beynəlxalq Əməkdaşlıq Bankı (JBİC) və Yaponiyanın Nexy sığorta agentliyinin zəmanəti altında $400 mln. təklif edir. İlkin razılaşmaya əsasən, bu vəsaitlər Nexy-nin sığortası altında, güzəştli dövrü 4-5 il olmaqla 20 il müddətinə illik libor+0,75 faiz dərəcə ilə təklif edilib. Kredit iki hissəyə ayrılıb və Maliyyə Nazirliyi birinci layihə üzrə olduğu kimi, bu dəfə də maliyyələşdirmənin kommersiya hissəsindən imtina etmək niyyətindədir.
Lakin, hökumətdə ikinci yol layihəsi çərçivəsində də BNP Paribas-ın maliyyyələşdirməsindən imtina ehtimalını istisna etməyiblər.
Mayın 21- ə olan rəsmi məzənnə 0,8247 AZN/USD.
Müəlliflə əlaqə saxlamaq üçün elektron ünvan: [email protected]
