Azərbaycan, Bakı, 27 may / Trend , müxbir U.İsmayılova/ Mayda Azərbaycan Milli Bankı nəznində Azərbaycan İpoteka Fondu (AİF) Beynəlxalq mənzil maliyyələşdirilməsi İttifaqına ("IUHF") üzv qəbul olunacaq. Bu haqda çərşənbə axşamı fonddan verilən məlumatda bildirilib.
"Fondun təşkilat sıralarına daxil olması fondun kredit vəziyyətinin təkmilləşdirilməsi üçün şərait yaradacaq", - AİF-dən bildirilib.
Fondun təşkilata üzv qəbul olunması beynəlxalq tərəfdaşlar siyahısını genişləndirilməsi üzrə İpoteka Fondunun planları çərçivəsində reallaşdırılıb.
AİF-dən bildirilib ki, saziş çərçivəsində təşkilatın ekspertləri əmlak bazarının qiymətləndirilməsi və öyrənilməsi üçün Azərbaycana gələcəklər.
Beynəlxalq mənzil maliyyələşdirilməsi İttifaqı ("IUHF") 1941-cü ildən fəaliyyət göstərir. Təşkilatın gərargahı Londonda yerləşir. "IUHF" - qeyri kommersiya ictimai birliyinin məqsədi mənzil maliyyələşdirilməsi sahəsində qabaqcıl təcrübə və yeni texnologiyaların yayılması, həmçinin əmlak bazarı peşakarlarına hərtərəfli kömək göstərməkdir. Dünyanın 60-dan çox ölkəsi "IUHF"-in üzvüdür.
Azərbaycan İpoteka Fondu 2007-ci ilin yayında vəsait çatışmamazlığı səbəbindən ipoteka kreditlərinin verilməsini dayandırıb. 2006-cı ildə dövlət büdcəsindən fond üçün 26 mln. manat, 2007-ci ildə isə - 20 mln. manat ayrılıb. 2008-ci il üçün təsdiq olunmuş Azərbaycan Dövlət büdcəsinə əsasən ipoteka kreditinin maliyyələşdirilməsi üçün 34 mln. manat ayrılıb. Hələ ki fond ipoteka kreditlərinin maliyələşdirilməsinə başlamayıb.
Azərbaycanın maliyyə naziri Samir Şərifovun əvvəllər dediyi kimi fond tərəfindən ipoteka kreditlərinin yenidən maliyələşdirilməsinə 2008-ci ilin ikinci yarısından başlanılacaq.
Müəlliflə əlaqə saxlamaq üçün elektron ünvan: [email protected]