Azərbaycan, Bakı, 25 avqust / Trend , müxbir Ü.İsmaylova/ Azərbaycan Sahibkarlar Konfederasiyası oktyabrın 27-30-da keçiriləcək "EXRO-Pakistan-2008" sərgisində Azərbaycan sahibkarlarının iştirakını təşkil edəcək. Bu barədə bazar ertəsi konfederasiyadan məlumat verilib.
Sərginin keçirilməsində əsas məqsəd Pakistanın ticarət potensialının nümayiş etdirilməsi, həmçinin yeni ticarət əlaqələrinin qurulmasından ibarətdir. Sərgidə əsasən dünya standartlarına müvafiq olan və ixrac üçün nəzərdə tutulan Pakistan malları nümayiş olunacaq.
"EXRO-Pakistan" sərgisi 2005-ci ildən etibarən hər il keçirilir. Ötən ilki sərgidə dünyanın 77 ölkəsindən 10 mindən çox biznesmen və təqribən 800 xarici şirkət iştirak edib.
Məqalə müəllifi ilə əlaqə ünvıanı: [email protected]
