Azərbaycan, Bakı, 25 avqust / Trend ,müxbir İ.Xəlilova/ Azərbaycan Milli Bankı (AMB) "National Bank of Pakistan"nın (NBP Bank) Bakı filialına əhali əmanətlərinin qəbulu üçün verilən lisenziyanın fəaliyyətini dayandırıb. Bu barədə maliyyə dairələrindən bildiriblər. Bankdan bu məlumatı təsdiqləyiblər.
"Biz qısa müddət ərzində bütün çatışmazlıqları aradan qaldıracağımız və bu gün onları həll etmək istədiyimiz barədə Milli Bankı məlumatlandırmışıq", - deyə bazar ertəsi Bankın baş meneceri Sohail Əhməd (Sohail Ahmad) bildirib.
AMB "Banklar barədə" Qanunun 47,48 - ci maddələri üzrə təsirli tədbirlər çərçivəsində, ötən həftə əmanətlərin qəbuluna məhdudiyyət tətbiq edib. Bu bankın strukturu və veb-saytınının işində gecikmələrlə bağlı olub.
Bu günədək "NBP Bank"ın Bakı filialında əhali əmanətləri 600 min manat təşkil edir. Fonddan bazar ertəsi bildriblər ki, bank Azərbaycan Əmanətlərin Sığortası Fondunun üzvüdür və bu qrum "NBP Bank" filialı əmanətlərinin ümumi həcmindən 187 min manatına zəmanət verir.
"AMB -nın bu qərarı bankın üzvlüyünə təsir göstərmir, belə ki, Fondun tərkibindən çıxarılma bundan sonra öhdəliklərin yerinə yetirilməməsi təqdirdə baş verə bilər ki, bununla əlaqədar bank cəlb edilmiş əmanətləri qaytarmaq məcburiyyətində qalar", - deyə Fonddan bildriblər.
Lakin "NBP Bank"ın filial rəhbərinin bildirdiyinə görə, veb-saytla bağlı bütün çatışmazlıqlar aradan qaldırılacaq və buna müvafiq olaraq, bank fəaliyyəti ilə bağlı məhdudiyyət götürüləcək.
Bu gün Azərbaycanda 45 bank fəaliyyət göstərir. Onlardan səkkizi üzrə ( O cümlədən, "NBP Bank" filialı) əmanətlərin qəbuluna məhdudiyyət qoyulub. Yeddi banka münasibətdə bu qadağalar uzunmüddətlidir. Buna görə onlar Əmanətlərin Sığortası Fonduna üzv ola bilməzlər.
"NBP Bank"ın Bakı filialı 2005 - ci ilin iyulundan fəaliyyət göstərir.
"National Bank of Pakistan" 1949-cu ildə təsis edilib. O, Pakistan hökumətinin 75 faizlik iştirak payı ilə yaradılıb. "NBP Bank" 17 xarici filiala malikdir.
Avqustun 25-nə olan rəsmi məzənnə 0,814 AZN/USD təşkil edir.
Məqalə müəllifi ilə əlaqə ünvanı: [email protected]