Azərbaycan, Bakı, 26 avqust/ Trend , Ü.İsmayılova/ Azərbaycan prezidenti İlham Əliyev "2008-2015-ci illərdə əhalinin ərzaq məhsulları ilə etibarlı təminatı üzrə Dövlət Proqramı"çərçivəsində kənd təsərrüfatının sığortalanması üzrə tədbirləri təsdiq edib, - rəsmi mətbuat xəbər verir.
Təsdiq edilmiş tədbirlər kənd təsərrüfatı istehsalında müasir sığortanın tətbiqini və maliyyələşdirilən kənd təsərrüfatı mülkiyyəti üçün risk siyahılarının təkmilləşdirilməsini nəzərdə tutur.
Azərbaycanın kənd təsərrüfatı sahəsində sığortalanma ən az inkişaf etmiş sahələrdən biridir. Bununla əlaqədar olaraq, mayda Azərbaycanın Kənd Təsərrüfatı Nazirliyi dövlətin sığortaladığı kənd təsərrrüfatı məhsullarının siyahısının genişləndirilməsi üçün Nazirlər Kabinetinə müraciət edib. Dövlət büdcəsi hesabına sığorta edilən kənd təsərrrüfatı məhsullarının siyahısına buğda, arpa, qarğıdalı, günəbaxan, kartof, şəkər çuğunduru, tərəvəz, göyərti, meyvə, düyü və paxlalı bitkilər daxil edilib.
2007-ci ilin yayında Azərbaycanda kənd təsərrüfatına yardım və inkişaf haqqında qanuna edilən dəyişikliklərin təsdiq edilməsinə uyğun olaraq, kənd təsərrrüfatının sığortalanmasında dövlət haqlarının maliyyələşdirilmə payı 25 faizdən 50 faizədək artırılıb.
Azərbaycanda kənd təsərrüfatı sığortasına orta tarif dərəcəsi ildə təxminən 1500 manat (hər hektara beş faiz) təşkil edir. Bir hektardan orta gəlir ildə təxminən 25 min manatdır.
