Azərbaycan, Bakı, 28 avqust/ Trend Cap , müxbir İ.Xəlilova/ Alman-Azərbaycan Fondu (AAF) fəaliyyət sahəsini genişləndirir və Avropa Yenidənqurma və İnkişaf Bankının (AYİB) xətti ilə aqrokreditlərin verilməsinə başlayır, -AAF-in texniki meneceri Andreas Franke cümə axşamı bildirib.
"Gələn ilin əvvəlinədək aqrokredit portfelini ümumilikdə verilən kreditlərin 10 faizinədək çatdırmaq istəyirik", - Franke bildirib.
Onun rəyinə görə, əsas diqqət mövsümi kənd təsərrüfatı məhsullarının istehsalına kreditlərin verilməsinə yönəldiləcək. Bununla yanaşı, aqrokreditlərin verilmə şərtləri bu kreditlərin təqdim ediləcək banklar və regiondan asılı olacaq. Zərurət yarandıqca kreditlər üzrə faiz dərəcələri hazırda verilən kommersiya kreditləri üzrə dərəcələrdən (illik dərəcələr 25-36 faiz civarında dəyişir) aşağı ola bilər. Ümumilikdə isə, kənd təsərrüfatının maliyyələşdirilməsi ilə əlaqədar yüksək risklər nəzərə alınmaqla, aqrokreditlər üzrə dərəcələr avtomatik surətdə yüksək olacaq,- Franke hesab edir. Aqromaliyyələşdirmə üçün nəzərdə tutulan kreditlərin 3 ilədək müddətə veriləcəyi gözlənilir.
2006 - cı ildə Avropa Bankı Azərbaycanda mikro və kiçik sahibkarlıq üçün ictimai maliyyə xidmətləri çərçivə mexanizmi (AMBF-MSE) çərçivəsində, AAF vasitəsilə bankların maliyyələşdirilməsinə başlayıb, lakin Fondun fəaliyyətə başladığı 2001- ci ildən Alman İnkişaf Bankının kreditləri hesabına verdiyiyindən çox vəsait verib.
Hazırda AAF-in cari portfeli $62 mln. təşkil edir. Bu vəsaitin $15 milyonu KfW-in vəsaitlərindən kreditlərin ayrılması, qalan $47 mln. isə AYİB-in hesabına formalaşdırılıb. Ümumilikdə indiyədək 5-6 mini Alman bankının xətti ilə olmaqla, 18 minədək kredit verilib.
AAF-ın yaradılması haqqında saziş 1999 - cu ildə imzalanıb, kreditlərin verilməsi 2001 -ci ilin martında başlayıb. 2001- ci ilin martından AAF-in tərədaşları Bank of Baku və Unibank, 2003 - cü ilin yanvarından Parabank və bank "Respublika", 2004 - cü ilin sentyabrından Azerdemiryolbank və Azerigazbank, 2006 - cı ilin dekabrından Rabitəbank və Muğanbank, 2007- ci ilin fevralından isə, Nikoil Bank-dır.
Avqustun 28-nə olan cari məzənnə -- 0,8132 AZN/USD.
Müəlliflə əlaqə saxlamaq üçün elektron ünvan: [email protected]
