...

Gürcüstanın enerji sektoruna sərmayələrin yatırılmasına təhlükə yoxdur – energetika naziri

Biznes və iqtisadiyyat xəbərləri Materials 9 Sentyabr 2008 20:24

Trend-i buradan izləyin

Azərbaycan, Bakı, 09 sentyabr/ Trend , müxbir İ.Xəlilova/ "Gürcüstanın enerji sektoruna sərmayələrin yatırılmasına təhlükə yoxdur", - Gürcüstanın energetika naziri Aleksandr Hetaquri çərşənbə axşamı bildirib.

"Xarici sərmayədarların da Gürcüstan bazarına marağı itməyib. Bir müddət əvvəl neftin axtarışı və hasilatına dair keçirilən tender bunu təsdiqləyir. Bu tenderdə böyük rəqabət olub və sərmayədarlar iri məbləğlərə bank zəmanətləri təqdim ediblər", - nazir qeyd edib.

Onun sözlərinə görə, Gürcüstan hökuməti yatırılan sərmayələri təhlükəsizlik zəmanəti ilə təmin edir, sərmayədarlar isə, vergi rejimi, bazarın liberallaşdırılması ilə əlaqədar Gürcüstan bazarına gəlməkdə maraqlıdırlar. Bu gün Azərbaycan Dövlət Neft Şirkəti və Azərbaycanın bankları Gürcüstana ciddi sərmayələr yatırırlar. ARDNŞ sentyabr ərzində Gürcüstanın qazpaylayıcı şəbəkələrini idarəetməyə almaq barədə müqavilə imzalamağa ümid edir. Dövlət Neft Şirkətinin yanacaqdoldurma məntəqələri şəbəkəsi, Kulevi Qara dəniz limanında terminalı var. Gürcüstanın bank bazarında Azərbaycan Beynəlxalq Bankı və Qafqaz İnkişaf Bankının filialları fəaliyyət göstərir. Sığorta şirkətlərinin də bu bazarda bizneslərini diversifikasiya etmək planları olub.

Sentyabrın 9-na olan cari məzənnə -- 0,8156 AZN/USD.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti