...

Azərbaycanda 49 özəlləşdirilmiş müəssisə dövlət yardımı alacaq

Biznes və iqtisadiyyat xəbərləri Materials 10 Sentyabr 2008 16:53 (UTC +04:00)

Azərbaycan, Bakı, 10 sentyabr / Trend , müxbir İ.Xəlilova/ "Dövlət dəstəyi çərçivəsində 49 müəssisənin özəlləşdirmədən sonra fəaliyyətinə yardım göstəriləcək", - Dövlət Əmlakının İdarə Edilməsi üzrə Dövlət Komitəsinin (DƏİDK) sədr müavini Rüstəm Şahbazov çərşənbə günü bildirib. Müəssisələrin rəqabətqabiliyyətliliyinin artırılması, kənd təsərrüfatı emalı, yüngül sənaye, həmçinin ixracyönlü məhsul istehsalçılarına dəstək göstəriləcək.

DƏİDK bunun üçün məsləhətçilər cəlb edib. Məsləhətçilər çərşənbə günü müxtəlif sahələrin özəlləşdirilmiş müəssisələrinin nümayəndələrinin iştirakı ilə layihələrinin təqdimatını keçiriblər.

Kənd təsərrüfatı məhsullarının emalı sahəsində özəlləşdirilmiş müəssisələrə Finre Consalting MMC dəstək xidmətləri göstərəcək. Toxuculuq və iplik müəsissələrinə Azspecprominvest QSC, ixrac potensialının və istehsal olunan məhsulların rəqabətqabiliyyətliliyinin artırılmasına - Region Consalt MMC, sərmayələrin cəlb edilməsi ilə maliyyə potensialının artırılmasına Sinergetika məhdud məsuliyyətli cəmiyyət məsləhət xidmətləri göstərəcək. Hər layihə 12, yalnız sonuncu layihə 13 müəssisəni əhatə edəcək.

Bu tədbirlərin əsas məqsədi qeyri-neft sektorunun özəlləşdirilmiş müəssisələrində sərmayə həcminin artırılması, iqtisadi inkişaf templərinin yüksəldilməsi, yeni iş yerlərinin yaradılması və ən başlıcası əhalinin gəlirlərinin artırılması yolu ilə yoxsulluğun azaldılmasıdır, dövlət komitəsindən bildiriblər.

Müəssisələr 2008-ci ilin sonunadək özəlləşdirmədənsonra sağlamlaşdırılmaya hazırlanmalıdırlar. Yerli məsləhətçilər xarici ekspertlərin də xidmətlərindən yararlanmaq, analoji müəssisələrin fəaliyyəti ilə tanış olmaq üçün digər ölkələrə səfərlər təşkil etmək, sərgilərdə iştirak etmək niyyətindədirlər. Onlar həmçinin strateji və biznes-planların, reklam bukletlərinin hazırlanması, tərəfdaşların axtarışı, beynəlxalq standartların tətbiqi, kreditlərin cəlb edilməsində də yardım edəcəklər.

Sentyabrın 10-na olan cari mübadilə məzənnəsi -- 0,8155 AZN/USD.

Müəlliflə əlaqə saxlamaq üçün elektron ünvan [email protected]

Xəbər lenti

Xəbər lenti