Azərbaycan, Bakı, 16 sentyabr/ Trend müxbir Ü.İsmayılova/ Avqustda Bakının təkrar daşınmaz əmlak bazarında mənzilin bir kvadrat metrinin qiyməti iyula nisbətən 1,2 faiz - $1624-dək artıb, їƏmlak Bazarı İştirakçılarıї İctimai Birliyindən çərşənbə axşamı bildiriblər.
Bahalaşma əsasən, Bakının Xətai, Suraxanı, Sabunçu, Nəsimi və Binəqədi rayonlarında təkrar mənzillərin qiymətlərindəki dəyişikliklərlə əlaqədar baş verib.
Təkrar mənzil bazarında təkliflər 4,6 faiz artıb. Avqustda Bakının təkrar əmlak bazarına təxminən 7,1 min mənzil təklif edilib ki, onların da 21,7 faizi paytaxtın Yasamal rayonunun payına düşüb.
Bakının Yasamal, Nəsimi və Nərimanov rayonlarında təklif edilən mənzillər təkrar bazar portfelinin 70,5 faizini təşkil edib.
Avqustda Bakının təkrar daşınmaz əmlak bazarında üçotaqlı və ikiotaqlı mənzillər üstünlük təşkil edib ї müvafiq olaraq 33,7 və 31,3 faiz.
Müəlliflə əlaqə saxlamaq üçün elektron ünvan: [email protected]
