Azərbaycan, Bakı, 04 oktyabr / Trend , müxbir Ü.İsmayılova/ Avqustda Bakının təkrar əmlak bazarında mənzillərin orta dəyəri $136,8 min təşkil edib ki, bu da iyulla müqayisədə 1,2 faiz çoxdur, "Əmlak Bazarı İştirakçıları" İctimai Birliyindən şənbə günü bildiriblər.
Avqustda bir kvadrat metr mənzil sahəsinin orta qiyməti $1624 olub.
Avqustda Bakının təkrar mənzil bazarında təkliflər 4,6 faiz artıb. Ay ərzində bazara 7 mindən çox mənzil təklif edilib.
Avqustda birotaqlı mənzilin orta qiyməti $55,1 min (-1,4 faiz), orta otaq göstəricisi - 2,48 (+2,5 faiz) olub.
Avqustda təkrar bazar portfelinin böyük hissəsi - 21,7 faizi Yasamal rayonundakı mənzillərin payına düşüb.
Bazarın portfelində üçotaqlı mənzillərin payı 33,7 faiz, ikiotaqlı mənzillərin payı isə 31,3 faiz təşkil edib.
Müəlliflə əlaqə saxlamaq üçün elektron ünvan: [email protected]