Azərbaycan, Bakı, 10 oktyabr/ Trend , müxbir Ü.İsmayılova/ Azərbaycanın A-GROUP sığorta şirkəti yanvar-sentyabrda 5,1 mln. manatlıq sığorta haqqı toplayıb ki, bu da ötən ilin analoji dövrü ərzində daxilolmalardan 16 faiz çoxdur, - cümə günü şirkətdən bildiriblər.
Şirkətin daxilolmalarının əsas hissəsi könüllü tibbi sığortanın payına düşür ї 4,1 mln. manat. Bu növ üzrə sığorta haqqları 475 min manat artıb.
A-GROUP-un məlumatında bildirildiyinə görə, avtomobillərin sığortası sahəsində də müsbət nəticələr əldə olunub. Yanvar - sentyabrda kompleks avtosığortadan 686 min manat yığılıb ki, bu da 2007-ci ilin eyni dövrü ilə müqayisədə, 21 faiz artım deməkdir.
A-GROUP doqquz ay ərzində 2,9 mln. manat ödəniş edib.
Azərbaycanın sığorta bazarında 1995-ci ildən fəaliyytə göstərən A-GROUP ikisi icbari olan 19 sığorta növü üzrə xidmət göstərir. Şirkətin Nizamnamə kapitalı 1,55 mln. manatdır.
Müəlliflə əlaqə saxlamaq üçün elektron ünvan: [email protected]
