Azərbaycan, Şəki, 13 oktyabr/ Trend , müxbir S.Fətəliyev/ Bazar ertəsi Şəki rayonunun ərazisindən axan Küngüt çayı üzərində yeni körpünün açılış mərasimi keçirilib.
Uzunluğu 72 m, eni 11 m olan körpü Şəki rayonunun Çapaqan kəndinin mərkəzində tikilib. Küngüt çayı bu yaşayış məntəqəsini iki hissəyə bölür. Çayda suyun səviyyəsi artanda, sakinlər kəndin bir tərəfindən o biri tərəfinə keçmək üçün uzaq məsafə qət etməli olurdular. Hazırda bu problem aradan qaldırılıb.