Azərbaycan, Bakı, 16 oktyabr/ Trend , müxbir S.Babayeva/ Yanvar-sentyabr ərzində Azərbaycanda tikinti işlərinə 2459,7 mln. manat vəsait sərf edilib ki, bu da 2007-ci ilin analoji dövründən 58,2 faiz çoxdur, - Dövlət Statistika Komitəsi xəbər verir.
Tikinti işlərinin ümumi həcmindən 655,9 mln. manat dövlət, 1803,8 mln. manat özəl müəssisələrin payına düşüb.
Tikinti işlərinin ümumi həcmindən 1896 mln. manat (77,1 faiz) yeni tikilən binalar, bərpa və genişləndirmə; 330,5 mln. manat (13,4 faiz) - əsaslı təmir; 101,9 mln. manat (4,2 faiz) - cari təmir; 131,3 mln. manat (5,3 faiz) - digər tikinti işlərinin payına düşür.
