Azərbaycan, Bakı, 17 oktyabr/ Trend , müxbir Ü.İsmayılova/ Yanvar-sentyabrda Azərbaycanın sığorta şirkətlərinin sığorta haqları, 2007-ci ilin analoji dövrü ilə müqayisədə, 45 faiz artıb, - Azərbaycanın Maliyyə Nazirliyindən cümə günü bildiriblər.
Yanvar-sentyabrda həyat sığortasının payına 1,5 mln. manat düşüb ki, bu da ötən ilin analoji dövrünün göstəricilərini 188,5 faiz qabaqlayır (2007-ci ildə 0,53 mln. manat). Non - life sığortasının payına 130,73 mln. manat düşüb, il ərzində artım 48,9 faiz olub (87,78 mln. manat). İcbari sığortanın payına 16,47 mln. manat düşüb, burada 15,5 faiz (14,26 mln. manat) artım qeydə alınıb.
İl ərzində sığorta ödənişləri 59,4 faiz artaraq 40,4 mln. manata bərabər olub (2007-ci ildə 25,35 mln. manat)
Üç rüb ərzində həyat sığortası üzrə sığorta ödənişləri 0,22 mln. manata çatıb, il ərzində bazarın bu seqmentində artım 46,7 faiz (1,15 mln. manat) təşkil edib.
Non - life sığortası üzrə ödənişlər 32,55 mln. manat təşkil edib. Sığortanın bu növü il ərzində 60,3 faiz artıb (20,3 mln. manat). İcbari sığorta növü üzrə ödənişlər 7,53 mln. manat təşkil edib, il əzində artım 55,7 faiz (4,9 mln. manat) olub.
Bu gün Azərbaycanda 28 sığorta və bir təkrarsığorta şirkəti fəaliyyət göstərir.
Müəlliflə əlaqə saxlamaq üçün elektron ünvan: [email protected]
