...

Azərbaycanda şadlıq evlərinin icbari sertifikatlaşdırılması tətbiq edilə bilər

Biznes və iqtisadiyyat xəbərləri Materials 21 Oktyabr 2008 20:42

Trend-i buradan izləyin

Azərbaycan, Xaçmaz, 21 oktyabr/ Trend , müxbir A.Qafarov, S.Babayeva/Azərbaycanın Standartlaşdırma, Metrologiya və Patent üzrə Dövlət Agentliyi şadlıq evlərinin icbari sertifikatlaşdırılmasının tətbiq edilməsi təklifi ilə təkrar olaraq hökumətə müraciət edib, - Xaçmazda qurumun inzibati binasının açılışında iştirak edən Dövlət Agentliyinin Baş direktoru Ramiz Həsənov çərşənbə axşamı bildirib.

"Birinci təklif müsbət cavab almasa da, biz bu məsələni həll etmək ümidilə yenidən müraciət etməyi qərara almışıq", - Həsənov bildirib.

Onun rəyinə görə, bu xidmət növü ölkə əhalisinə təqdim edilir və müvafiq olaraq, müəyyən standartlara cavab verməlidir. Bununla əlaqədar, Dövlət Agentliyi bu xidmətlərin sertifikatlaşdırılmasını zəruri hesab edir. Burada əsas məqsəd şadlıq evlərinin göstərdiyi xidmətlərin keyfiyyətinin yüksəldilməsidir.

Azərbaycanın Standartlaşdırma, Metrologiya və Patent üzrə Dövlət Agentliyi Azərbaycan Respublikası prezidentinin 2001 - ci il dekabr tarixli fərmanı ilə yaradılıb.

Agentlik icra hakimiyyətinin standartlaşdırma, metrologiya, sertifikatlaşdırma və sənaye mülkiyyəti obyektlərinin mühafizəsi sahəsində dövlət siyasətini formalaşdıran və həyata keçirən mərkəzi orqanıdır.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti