Azərbaycan, Bakı, 11 noyabr/ Trend , müxbir Ü.İsmayılova/ Azərbaycanın "Ata Sigorta" şirkəti cari ilin yanvar-oktyabr aylarında təqribən 3 mln. manat məbləğində sığorta haqqı toplayıb. Bu barədə çərşənbə axşamı şirkətdən məlumat veriblər.
Bu dövr ərzində şirkətin sığorta ödəmələri 534,4 min manat təşkil edib. On ay ərzində gəlirlər təqribən 4 mln. manat, xərclər 2,9 mln. manat təşkil edib. Balans mənfəəti 1,1 mln. manata bərabər olub ki, bu da 2007-ci ilin analoji dövr göstəricisi ilə müqayisədə 2,9 dəfə çoxdur.
"Ata Sigorta" 2004-cü ildən Azərbaycan sığorta bazarında fəaliyyət göstərir. "AtaHoldinq" və "AtaBank" şirkətin təsisçiləridir. Şirkətin ödənmiş nizamnamə kapitalı 2 mln. manat təşkil edir.
Məqalə müəllifi ilə əlaqə ünvanı - [email protected]
