Azərbaycan, Bakı, 12 noyabr/ Trend , müxbir İ.Xəlilova/ "Azərbaycan Hesablama Palatası (HP) dövlət proqramlarının icrası üzrə yoxlamaları 2008 -ci ilin sonunadək davam etdirmək niyyətindədir", - deyə çərşənbə günü Palata sədri Heydər Əsədov bildirib. Bununla bağlı "Azəriqaz" SC və Təhsil Nazirliyində audit aparılıb və auditorlar idman və səhiyyə sahəsində dövlət proqramlarının icra vəziyyəti üzrə yoxlamaları davam etdirmək niyyətindədirlər.
"Yoxlamalar zamanı nöqsanlar aşkar olnub, lakin onlar cinayət mahiyyəti daşımır", - deyə Əsədov bildirib.
Nöqsanlar, əsasən, vəsaitlərin məqsədəuyğun xərclənməməsi üzrə aşkar edilib, lakin Əsədovun sözlərinə görə, onların qismən qaytarılmasını təmin etmək mümkün olub.
"Maliyyə Nazirliyi və Dövlət Sosial Təminat Fondunun rayon idarələrində aparılan yoxlamalar zamanı da pozuntular aşkar olunub", - deyə Hesablama Palatasının rəhbəri bildirib.
Ümumilikdə, onun sözlərinə görə, yoxlamalar nəticəsində 2 mln. manatdan çox vəsaitin dövlət büdcəsinə qaytarılması təmin edilib.
2008 - ci ildə 34 audit yoxlamasının keçirilməsi planlaşdırılıb, lakin onlardan biri texniki səbəbdən təxirə salınıb. Bu, Vergilər Nazirliyi tərəfindən mənzil tikintisi ilə bağlı yeni şkalanın tətbiqi vəziyyətinin auditinə aiddir.
"Bu yoxlamaların 2008 - ci ildə aparılması mümkün deyil; mənzil - kooperativ tikintiyə bu şkalanı hələli k tətbiq etmək olmaz və biz bunu təxirə salmışıq", - deyə Əsədov bildirib.
Ötən il nəzərdə tutulan 34 analitik tədqiqatdan 20-si keçirilib. "Aztelekom" üzrə audit nəticəsində 3 mln. manat, Pedaqoji Universitet üzrə 32 min manatın dövlət büdcəsinə köçürülməsi təmin edilib.
Noyabrın 12-nə olan rəsmi məzənnə 0,8095 AZN/USD təşkil edir.
Məqalə müəllifi ilə əlaqə ünvanı - [email protected]
