Azərbaycan, Bakı, 13 noyabr / Trend müxbir Ü.İsmayılova/ Bu ilin noyabr ayında Azərbaycanın daşınmaz əmlak bazarında mülk satışı üzrə güzəştlər 5 faizdən 10 faizədək artıb. "Caspian Property Services" marketinq üzrə qiymətləndirmə şirkətinin meneceri Elnur Azadov belə deyib.
Noyabrda Bakının mərkəzində ilkin bazarda mənzilin kvadratmetrinin qiyməti 2-5, şəhərin orta hissəsində 1-2 min manat, şəhərin üçüncü və dördüncü hissəsində 1 min manata qədər olub. Analoji vəziyyət oktyabr və noyabr aylarında da müşahidə olunub.
Azadov bildirib ki, noyabrın əvvəllərində bazarda tələb sıfıra yaxın olubsa, ayın ikinci ongünlüyündə alıcılar olub.
"Bazarın bugünkü vəziyyətini qiymət balansı, bir neçə il öncəki və daim artan qiymətlərə qayıtması adlandırmaq olar" - Azadov söyləyib.
"MBA Group" konsaltinq şirkətinin eksperti Faiq İbrahimovun da bundan əvvəl dediyi kimi, Bakıda bir çox alqı-satqı şirkətləri fəaliyyətlərini dayandırıblar. Bu, alıcı tələbatının olmaması ilə bağlıdır.
Ekspertin fikrincə, belə vəziyyət alıcıların qiymətin düşməsini gözləmələrilə bağlıdır, satıcılar isə, qiymətləri 5 faizdən çox aşağı salmırlar. Əvvəllər birotaqlı mənzili 35-40 gün ərzində satmaq olardısa, bu gün ekspozisiya müddəti 5 dəfə artıb.
Alqı-satqı şirkətində çalışanlar hesab edirlər ki, yaxın bir neçə həftə ərzində daşınmaz əmlak daha 3-5 faiz ucuzlaşacaq.
Məqalə müəllifi ilə əlaqə ünvanı: [email protected]
