Azərbaycan, Lənkəran, 17 noyabr/ Trend , müxbir P.Əliyeva/ "Azərbaycanın cənubunda -- Astara rayonunda kivi yığımı başlayıb. 2008-ci ildə bu məhsulun istehsalında iki dəfə artım gözlənilir", - Astara Şəhər İcra Hakimiyyətinin Aqrar Şöbəsinin rəhbəri Allahverən Mahmudov bazar ertəsi bildirib.
"Hazırda cənub regionunda beş növ kivi becərilir, Şahağacı kəndində bu sitrus bitkisinin 30 ha (7 min ağac) plantasiyası var", - Mahmudov bildirib.
Bu il Astarada kivi istehsalının 70 min ton həcmində olacağı gözlənilir. 2007-ci ildə bu göstərici cəmi 35 ton olub. İstehsalının artmasına səbəb kimi, sitrus bitkilərinin istehsalı üçün zəruri olan yağıntıların çox olması göstərilir.
2004 - cü ildən əkilmiş kivi bağlarında 15 min hektardan çox sahədən məhsul yığılır. Astarada 16,7 min torpaq sahibinin 90 faizi sitrus bitkilərinin becərilməsi sahəsində çalışır.
Ötən il regionun kivi tədarükçüləri öz məhsullarını Rusiyaya 1,20 - 1,40 manata satsalar da, bu il satış1 manatdan çox olmayıb. Səbəb kimi RF-də iqtisadi vəziyyət göstərilir.
Noyabrın 17-nə olan cari mübadilə məzənnəsi -- 0,8098 AZN/USD.
Müəlliflə əlaqə saxlamaq üçün elektron ünvan: [email protected]
