Azərbaycan, Bakı, 03 dekabr/ Trend / Yanvar-noyabr aylarında Azərbaycan Dövlət Gömrük Komitəsi (DGK) dövlət büdcəsinə proqnozlaşdırılan 1 021 mln. manata nisbətdə 1 025,01 mln. manat köçürmə edib. Bu barədə DGK-nın mətbuat xidməti məlumat verir.
On bir ay ərzində edilən köçürmələr 2007-ci ilin analoji dövr göstəricisini 313,16 mln. manat üstələyib.
2007-ci ildə DGK-nın büdcə köçürmələri 771,9 mln. manat təşkil edib. Bu, 2006-cı ilin göstəricisinə nisbətdə 255,9 mln. manat çoxdur.