...

Tacikistan Azərbaycanın sahibkarlıq subyektlərinin dövlət qeydiyyatı üzrə təcrübəsini öyrənir

Biznes və iqtisadiyyat xəbərləri Materials 4 Dekabr 2008 19:01 (UTC +04:00)

Azərbaycan, Bakı, 04 dekabr / Trend , müxbir N.İsmayılova/ Azərbaycandan sahibkarlıq subyektlərinin dövlət qeydiyyatı sahəsində islahatlarla tanış olmaq və bu sektorla bağlı təcrübəni öyrənmək üçün ,Tacikisitanın hökumət nümayəndələri Bakıya gəliblər, - cümə günü Azərbaycanın Vergilər Nazirliyindən bildiriblər. Nümayəndə heyətinin tərkibinə Tacik Sahibkarlıq Assosiasiyalarının təmsilçiləri də daxildirlər.

Səfər Beynəlxalq Maliyyə Korporasiyası, Avropa İttifaqı və ABŞ -ın Beynəlxalq İnkişaf Agentliyinin texniki dəstəyi ilə təşkil olunub.

Dünya Bankının Azərbaycanda keçirilən islahatların uğurunu qəbul etməsi başqa ölkələr üçün siqnal olub və bu ölkələr Azərbaycandakı prosesləri böyük maraqla izləməyə və bura səfər etməyə başlayıblar, - nazirlikdən bildirirlər.

Tacik nümayədə heyəti "vahid pəncərə" prinsipi üzrə dövlət qeydiyyatı prosesi və yaradılan şəraitlə taniş olmaq üçün nazirliyin Hüquqi Şəxslərin Dövlət Qeydiyyatı İdarəsində olublar. Sonra qonaqlar üçün sahibkarlıq subyektlərinin "vahid pəncərə" prinsipi ilə qeydiyyatının aparılmasına dair ölkəmizin təcrübəsini əks etdirən təqdimat keçirilib. Bu sahədə həyata keçirilən islahatlar nəticəsində, Azərbaycanın reytinqi Dünya Bankı və Beynəlxalq Maliyyə Korporasiyasının 2009 - cu il üçün "Doing Business" hesabatında 64 - cü pillədən 13 - cü yerədək yüksəlib.

Tacik nümayəndə heyəti Avtomatlaşdrılmış Vergi İnformasiya Sistemi (AVİS) ilə tanış olub. Onlara 2008 - ci ildən Azərbaycanda tətbiq olunan ƏDV depozit hesabları ilə bağlı ətraflı məlumat da verilib.

Müəlliflə əlaqə ünvanı: [email protected]

Xəbər lenti

Xəbər lenti