Azərbaycan, Bakı, 10 dekabr/ Trend , müxbir Ü.İsmayılova/ Son üç il ərzində ilk dəfə olaraq noyabrda Azərbaycanda 1,88 fazilik deflyasiya müşahidə olunub, - "İqtisadi Araşdırmalar Mərkəzi" QHT-dən çərşənbə günü bildiriblər.
Bakıda deflyasiyanın səviyyəsi 1,53 faiz, regionarda 2,22 faiz təşkil edib. Təşkilatın şəxsi hesablamalarına əsasən, yanvar-noyabrda Azərbaycanda inflyasiyanın səviyyəsi 16,62 faiz, illik hesablamada 20,48 faiz təşkil edib. Noyabrda qiymətlərdə ən çox azalma ərzaq mallarında - 3,07, qeyri-ərzaq - 0,63 faiz, xidmətlər - 0,28 faiz olub.
Noyabrda buğda unu (25,6 faiz) yüksək növlü çörək (9,25 faiz), günəbaxan yağı (7,25 faiz) şəkər tozu (6,41 faiz) xeyli ucuzlaşıb.
Qiymət artımı yalnız ərzaq malları arasında müşahidə edilib - badımcan (51,39 faiz), şaftalı (43,32 faiz), armud (32,86 faiz), xiyar (30,67 faiz), üzüm (18,73 faiz).
Qeyri - ərzaq malları arasında, əsasən, minik avtomobilləri ucuzlaşıb (2,16 faiz).
Noyabrda Azərbaycanda əmək qabiliyyətli əhali üçün minimal istehlak səbətinin dəyəri - 107,78 manat, uşaqlar (0-15 yaş arası) - 98,34 manat, pensiyaçılar - 80,08 manat təşkil edib.
Dekabrın 10 - na olan cari mübadilə məzənnəsi -- 0,8072 AZN/USD.
Müəlliflə əlaqə saxlamaq üçün elektron ünvan: [email protected]