Azərbaycan, Bakı, 29 dekabr/ Trend , müxbir S.Babayeva/ 2008 - ci ildə Azərbaycan kənd təsərrüfatı, baytarlıq, karantin və bitki mühafizəsi sahəsində 17 ölkə ilə 33 saziş layihəsi hazırlayıb, - ölkənin Kənd Təsərrüfatı Nazirliyindən bazar ertəsi bildiriblər.
"Bu sazişlər hazırdır və XİN vasitəsilə bu dövlətlərin müvafiq dövlət orqanlarına təqdim edilib, hər iki tərəfdən razılaşdırmanı keçdikdən sonra imzalana bilərlər", - nazirlikdən qeyd ediblər.
İdarədən sənədlərin imzalanacağı konkret tarixləri açıqlamaqda çətinlik çəkiblər.
Azərbaycanın saziş imzalamaq niyyətində olduğu ölkələr arasında İtaliya, Polşa, Niderland, Bolqarıstan, İsveçrə, Koreya, Tunis, Seneqal, Mali, Suriya, İordaniya, Livan və digər ölkələr var.
Kənd Təsərrüfatı Nazirliyindən bildiriblər ki, 2009 - cu ildə bu idarə rəhbərliyinin İsrail və Avstriyaya səfəri baş tuta bilər.
Müəlliflə əlaqə saxlamaq üçün elektron ünvan: [email protected]
