Azərbaycan, Bakı, 03 fevral/ Trend , müxbir N.İsmayılova/ Bu il Azərbaycanda Gəncə Avtomobil Zavodunda 570 traktor yığılacaq, - Belarusun Azərbaycandakı səfiri Nikolay Patskeviç bildirib.
"2008-ci illə müqayisədə istehsal həcmi artacaq və bu yalnız "Aqrolizinq" ASC-nin xətti ilədir, - Patskeviç bildirib. - Lakin artmağa başlayan sərbəst satış saylarını da nəzərə almaq lazımdır".
Yanvarda 70 traktordan ibarət birinci partiya artıq yığılıb.
Zavod 2008-ci ildə Gəncədəki müəssisədə yığılan 500 "Minsk Traktor Zavodu" traktorunun "Aqrolizinq" ASC-yə tədarükü barədə müqaviləni artıq həyata keçirib.
Hazırda Gəncə zavodunda traktorların bir neçə modifikasiyası istehsal olunur. Bu texnikanın dəyəri 13-35 min manat civarında dəyişir. Azərbaycanda Minsk avtomobil və traktor zavodlarının istehsalı olan bütün avtomobil və traktorların yığılmasınaç eləcə də satışına dair müqavilə 2006-cı ilin noyabrında, Belarusun paytaxtında imzalanıb.
Yığım 15 min kvadrat metr sahədə həyata keçirilir. Gəncə zavodu Azərbaycanda ildə 1000 yük maşını və 2000 traktor yığmaq vəziyyətindədir.
Müəlliflə əlaqə saxlamaq üçün elektron ünvan: [email protected]
