Azərbaycan, Bakı, 26 fevral / Trend , müxbir Ü. İsmayılova / Azərbaycan Sığortaçılar Assosiasiyası martın 2-4-də attestasiyanın birinci mərhələsini keçməyən fiziki şəxslərin - sığorta vasitəçilərinin attestasiyasını keçirmək niyyətindədir, - cümə axşamı assosiasiyadan bildirilib.
Sığorta vasitəçilərinin intensiv kursunun birinci mərhələsi fevralın 16-18-də keçirilib.
Sığorta vasitəçilərinin attestasiyası sığorta sahəsində biliklərin və göstərilən xidmətlərin keyfiyyətinin artırılması məqsədilə assosiasiyanın maarifləndirici qrupu tərəfindən keçirilir.
Attestasiyanın ilkin mərhələsində Ata Sığorta, Alfa Sığorta, Paşa sığorta, Standard İnsurance şirkətlərinin sığorta vasitəçiləri iştirak ediblər.
Ölkədə fəaliyyət göstərən bütün sığorta şirkətlərini özündə birləşdirən Azərbaycan Sığortaçılar Assosiasiyası 2006-cı ildə təsis edilib.
Məqalə müəllifi ilə əlaqə ünvanı: [email protected]
