Azərbaycan, Bakı, 02 mart / Trend , müxbir E. İsmayılova / "Akkord" şirkəti Azərbaycanın Dəvəçi rayonunun (şimal regionu) bir hissəsini su ilə təmin edən su rezervuarının köçürülməsinə dair qərar qəbul edib, bazarertəsi Akkord İnşaat (layihənin podratçısı) şirkətinin mətbuat xidmətinin başçısı Afaq Quliyeva bildirib.
Qərar onunla əlaqədar qəbul olunub ki, bu rezervuardan su axıtması hal-hazırda yenidən qurulan (beton örtüyü ilə) Bakı-Rusiya sərhəddi avtomobil magistralının keçdiyi ərazidə sürüşmənin olmasına səbəb olub.
Rezervuarın həcmi 1500 kubmetr su təşkil edir. Hazırda bu rezervuara su verilişi dayandırılıb.
Hadisə yerində FHN mütəxəssisləri və Akkordun dəvət etdiyi ekspertlər işləyir.
2008-ci ilin mayında Akkord şirkəti Azərbaycan Nəqliyyat Nazirliyinin sifarişi ilə Azərbaycanın Rusiya ilə sərhədinə kimi ölçüsü 16-134 kilometr olan beton yolun yenidən qurulmasına və tikintisinə başlayıb.
Sürüşməyə rezervuardan axıdılan suyun səbəb olması faktı təsdiqlənib.
Dəvəçi Rayon İcra hakimiyyəti artıq qərar qəbul edib və "Azərsu"ya rezervuarın köçürülməsinin tapşırığını verib", - Quliyeva bildirib. Onun sözlərinə görə bu ərazi sürüşmə zonasıdır. 2007-ci ildə bu rezervuarla bağlı problemlər olmuşdu, bu məqsədlə də onun yeri dəyişdirilmişdir. Keçən dəfə də bu rezervuardan su axıdılması nəticəsində insanların zərər çəkməsi ilə nəticələnən sürüşmə baş vermişdi.
Sürüşmə hallarının aradan qaldırılması ilə bağlı yerbərkidici işlər görülüb, torpağa dəmir-beton təbəqələri yerləşdirilib və möhkəmləndirici divarlar tikilib. Lakin dünənki sürüşmə nəticəsində bu divarın 100 metrlik hissəsi zədələnmişdir. Sürüşmə beton yolun körpü hissəyə keçən ərazisində baş verib.
Quliyeva sürüşmə nəticəsində körpü yaxınlığında tikinti işçisinin zədələnməsi məlumatını təkzib edib. Körpünün tikintisini Akkord həyata keçirir.
Bakı-Rusiya magistralının 120 kilometrliyində beton sahənin işləri tamalanıb, marşrut yolundakı körpülərdə və tunellərdə isə tamamlama işləri gedir. Beton örtüyün ümumi qalınlığı 28 santimetr təşkil edir, bu isə onunla bağlıdır ki, bu magistral yolla əsasən yük maşınları hərəkət edir.
Yolun 2009-cu ildə istismara verilməsi gözlənilir. Bakı-Rusiya sərhəddi magistral yolunun yenidən qurulması çərçivəsində 22 böyük körpülərin inşası nəzərdə tutulub.
Məqalə müəllifi ilə əlaqə ümvanı: [email protected]
...
