Azərbaycan, Bakı, 02 aprel / Trend , müxbirlər N.İsmaylova, Ü.İsmaylova /
Bankın Müşahidə Şurasının sədri Xəyal Məmmədxanlının sözlərinə əsasən, Azərbaycan Azfinansbank-ı ilin sonunadək aktivində olan maliyyə kütləsini 50-70 milyon manata çatdırmaq niyyətindədir.
"Proqnozları formalaşdıran zaman dünya maliyyə böhranını nəzərə almasaq da, bankın strategiyasında bu hal nəzərə alındığından ixtiyarımızda olan aktivlərin 50-70 mln. manata çatacağını düşünürük", - Məmmədxanlı deyib.
Onun sözlərinə əsasən, ilin sonuna bankın aktivində olan kapitalın gözlənilən maksimal artım həddi 100 mln. manatdır.
"İlin sonunadək bankın depozit portfeli 50 mln. manat təşkil etməlidir. Hazırda bank tam gücü ilə fəaliyyət göstərmədiyindən aktivdə olan kapital o qədər də çox deyil", - Məmmədxanlı qeyd edib.
Bununla yanaşı, Azfinansbank yaxın iki il ərzində kapitalını 5-10 dəfə artırmaq niyyətindədir. Nizamnamə kapitalının artırılmasına bankın gəlirlərini və Azfinansbank təsisçilərinin yatırımlarını cəlb etmək planlaşdırılır.
Ötən ilin dekabr ayında Azərbaycan milli bankı Azfinansbank-a bank fəaliyyəti göstərmək üçün icazə verib. Yeni bank 10 mln. manat nizamnamə kapitalı ilə yaradılıb.
Aprelin 02-nə olan rəsmi məzənnə 0,8029 AZN/USD təşkil edir.
Məqalə müəllifi ilə əlaqə ünvanı: [email protected]
