Azərbaydcan, Bakı, 02 aprel / Trend , müxbir E.İsmayılov /
Nəqliyyat naziri Ziya Məmmədovun sözlərinə əsasən, Azərbaycan "Şimal-Cənub" (Rusiya-Azərbaycan-İran) dəmiryolu layihəsi çərçivəsində şəxsi infrastruturunun inşasına dəmiryolunun İran hissəsi Azərbaycan sərhədlərinə çatdırıldıqdan sonra başlayacaq.
Onun sözlərinə əsasən, elə ediləcək ki, layihənin iki mərhələsi sərhəddə eyni vaxtda tamamlansın. Nazirin sözlərinə əsasən, bu, layihənin Azərbaycan hissəsində İranla müqayisədə iş həcminin azlığı ilə əlaqəlidir.
Layihə çərçivəsində Azərbaycan, Rusiya və İran arasında Qəzvin-Rəşt-Astara (İran)-Astara (Azərbaycan) dəmiryolunun inşası üçün birgə müəssisənin (BM) yaradılması qərara alınıb. Üçtərəfli BM-nin yaxında yaradılması gözlənilir. "Rossiyskiye jeleznıye doroqi" ASC, Azərbaycan Dövlət Dəmiryolu və İran Dəmiryolları Administrasiyası bərabər hüquqlarla birgə müəssisəyə daxil olacaqlar.
"Hiprotranstei" Elmi-Tədqiqat İnstitutunun (İran) texniki-iqtisadi əsaslandırmasına (TİƏ) əsasən, Qəzvin-Rəşt-Astara dəmiryolunun inşası 200 mln. dollara başa gələcək. BM-nin nizamnamə kapitalı bərabər paylarla formalaşdırılacaq.
"Şimal-Cənub" nəqliyyat dəhlizi Avropadan Hindistan və Cənub-Şərq ölkələrinə Rusiya, Azərbaycan və İran vasitəsilə vahid dəmiryolu əlaqəsinin yaradılmasını nəzərdə tutur. Bütövlükdə layihənin həyata keçirilməsinə 400 mln. dollar tələb olunur və işlərin çoxu Azərbaycan sərhədinə qədər dəmiryolu olmayan İran ərazisində aparılmalıdır. Azərbaycan ərazisində aparılacaq müəyyən işlər 35-40 mln. manat təşkil edir.
Azrbaycan ərazisində aparılacaq işlər Astara (AR) stansiyasına qədər 8,5 kilometrlik dəmiryolunun inşasını nəzərdə tutur.
Bununla yanaşı, sərhəd dəmiryolu postunun tikilməsi də vacibdir. Lakin bu layihə İranla poritet əsaslarla həyata keçiriləcək.
Sözügedən dəhlizlə ilkin mərhələdə 5 mln. ton yükün daşınması nəzərdə tutulur. Gələcəkdə daşınan yüklərin həcmini ildə 10-15 dəfə artırmaq nəzərdə tutulur.
Məqalə müəllifi ilə əlaqə ünvanı: [email protected]
