Azərbaycan, Bakı, 08 aprel / Trend , müxbir İ.Xəlilova /
Azərbaycan Dövlət Gömrük Komitəsi (DGK) hökumətə çoxdərəcəli sistemdən üçsəviyyəli dərəcələrə ayrılmış tarif sisteminə keçid barədə təkliflər təqdim edib. Bu barədə çərşənbə günü DGK-nın maliyyə-tarif və valyutanın nizamlanması Baş İdarəsinin müdiri Mirqasım Vahabov bildirib.
"Təkliflərin yaxın vaxtlarda təsdiq olunacağı gözlənilir və 2009-cu ildən qüvvəyə minəcək", - deyə Vahabov bildirib.
Onun sözlərinə görə, yeni tarif sisteminə keçidlə, ölkədə 0%, 5% və 15% dərəcələri tətbiq olunacaq.
Bu gün Azərbaycanda 2001-ci ildə qəbul olunmuş gömrük tarif sistemi fəaliyyətdədir. Bu gün respublikada 0, 0,5, 1, 3, 5, 10 və 15 faiz dərəcələri fəaliyyət göstərir. Əvvəllər dörd - 0, 5, 10 və 15 faiz dərəcəsinin saxlanılması təklif olunurdu, lakin sonradan 10 faizlik dərəcə təkliflər paketindən çıxarıldı.
İstehsal təyinatlı malların böyük hissəsindən (xammal və avadanlıq) sıfır dərəcə ilə vergi alınacaq və hətta bu gün 0,5 faiz dərəcəsi ilə gömrük rüsumu alınan mallar da bu siyahıya aid ediləcək. Bu, mal qruplarının (xüsusilə də 84 və 85-ci qruplar) Nazirlər Kabinetinin sərəncamı ilə idxal zamanı sıfır faiz dərəcə ilə ƏDV tutulan növlərinə aiddir. Respublikaya idxal olunan malların təqribən 10-15 faizi onların payına düşür.
Azərbaycanın Ümumdünya Ticarət Təşkilatına (ÜTT) daxil olması çərçivəsində
Gömrük orqanlarının üzərinə iki vəzifə qoyulub - gömrük vergiləri və rüsumlarının yenidən nəzərdən keçirilməsi və yeni modelin tətbiq edilməsi, həmçinin əqli mülkiyyət hüquqlarının müdafiəsinin təmin edilməsi.
Məqalə müəllifi ilə əlaqə ünvanı: [email protected]