...

Azərbaycanda dövlət büdcəsinin proqnozlarına düzəlişlər edilməsinə ehtiyac yoxdur – Hesablama Palatasının sədri

Biznes və iqtisadiyyat xəbərləri Materials 8 May 2009 17:13

Trend-i buradan izləyin

Azərbaycan, Bakı, 08 may / Trend , müxbirlər E.İsmayılov, Ü.İsmayılova /

"Azərbaycanda dövlət büdcəsinin proqnozlarına düzəlişlər edilməsi gözlənilmir, ən azından bu gün bu məsələ gündəlikdə deyil", - cümə günü Azərbaycan Hesablama Palatasının (HP) sədri Heydər Əsədov deyib.

"Büdcəyə yenidən baxmağa ehtiyac görmürük, - Əsədov bildirib. - HP əvvəllər də neft qiymətlərinin dünya bazarındakı qiymətlərin bir barelə görə 50 dollara qədər enməsi halında belə dövlət büdcəsində ciddi dəyişikliklərə ehtiyac görmədi".

Dövlət büdcəsinin proqnozları neftin bir barelinə görə 70 dollardan formalaşdırılıb, ancaq ötən ildən başlayaraq dünya bazarlarında qiymət aşağı düşməyə başlayaraq 37 dollara enib. Hazırda bu rəqəm 57 dollar təşkil edir.

"Büdcəyə yenidən baxmaq fikrindən imtina etməyə ötən ilin büdcə qalığı imkan verir. Bu qalıq ölkədəki qiymətlərin aşağı düşməsindən qənaət edilən, eləcə də hətta büdcəyə bəzi gəlirlər daxil olmasına rəğmən bəzi sərmayə layihələrinin realizəsindən gələn vəsaitlərdir", - HP sədri deyib.

Bir müddət əvvəl maliyyə naziri Samir Şərifov büdcə proqnozlarına yenidən baxılmasına ehtiyac olmadığını bildirmişdi.

"Yığılmış ehtiyatlar bəzi proqramlarımızı daha az xərclərlə həyata keçirməyə imkan verəcək. Nəticədə qənaət edilmiş vəsaitlər real sektorun dəstəklənməsinə yönəldiləcək", - nazir qeyd edib.

Azərbaycan Prezidenti İlham Əliyevin dekabrın 11-də təsdiq etdiyi 2009-cu il dövlət büdcəsinin gəlirləri 12,177 milyard manat (ÜDM-in 27,9 faizi), xərcləri 12,355 milyard manat (28,3 faiz), defisit 178 milyon manat, yaxud ÜDM-in 0,4 faizi təşkil edir.

Mayın 08-nə olan rəsmi məzənnə 0,8035 AZN/USD təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti