Azərbaycan, Bakı, 21 may / Trend , müxbir N.İsmayılova /
Azərbaycan bankı "Kapital Bank" və pərakəndə ödəniş operatoru VISA ölkədə qeyri-nağd ödənişlərin payının artırılması məqsədi ilə birgə tədris proqramı hazırlayırlar. Bu barədə VİSA-nın MDB üzrə regional meneceri Svetlana Georbelidze deyib.
"Hazırda "Kapital Bank"la birgə qeyri-nağd ödənişlərin payının artırılması məqsədi ilə əhali üçün tədris proqramının hazırlanması aparılır", - Georbelidze deyib. Onun sözlərinə əsasən, bank tərəfindən buraxılmış plastik kartların əksəriyyəti debet kartlarıdır.
"Kapital Bank" VISA ilə illik birgə iş fəaliyyəti müddətində 1,2 milyon sözügedən ödəniş sisteminə aid plastik kart buraxıb.
Bankın kart bazası il ərzində 1,4 dəfə artaraq martın 1-nə 1,88 milyon debet və kredit kartı təşkil edib. Buraxılmış kartların sayına görə "Kapital bank" Azərbaycanda birincidir və bazardakı payı 51% təşkil edir. Martın 1-nə kart üzrə bankın ümumi dövriyyəsi 195 milyon dollar təşkil edib. Bank kartları üzrə qeyri-nağd əməliyyatların dövriyyəsi isə 4,9 milyon dollar təşkil edib.
Məqalə müəllifi ilə əlaqə ünvanı: [email protected]
