Azərbaycan, Bakı, 25 iyul / Trend , müxbir U.İsmayılova /
Yanvar-iyun aylarında Azərbaycan MDB ölkələrindən 828,17 milyon dollar məbləğində əmtəə idxal edib ki, bu da ölkənin ümumi idxalının 30,46 faizini təşkil edir. Bu barədə şənbə günü Dövlət Gömrük Komitəsindən bildirilib.
Azərbaycana MDB ölkələrindən taxıl (ümumi idxalın 15,18 faizi), nəqliyyat vasitələri (8,77 faiz), elektrik maşınları, avadanlıq və onun ehtiyat hissələri (14,02 faiz), tütün və tütün əvəzləyiciləri (6,021 faiz) və s. gətirilib.
Azərbaycandan MDB dövlətlərinə ixrac 713,78 milyon dollar (ümumi ixracın 12,28 faizi) təşkil edir.
MDB ölkələrinə əsasən mineral yanacaq, neft məhsulları, bitum mineralları (ümumi ixracın 60 faizi), tərəvəz (6,09 faiz), heyvan və bitki yağları (8,86 faiz) və s. ixrac olunub.
MDB ölkələri ilə idxal-ixrac əməliyyatları üzrə 114,43 milyon dollar həcmində mənfi qalıq yaranıb.
Məqalə müəllifi ilə əlaqə ünvanı: [email protected]
