Azərbaycan, Bakı, 28 iyul / Trend , müxbir Ü.İsmayılova /
Sava Re təkrarsığorta qrupu Azərbaycanın sığorta bazarını öyrənir, bu barədə çərşənbə axşamı Azərbaycanın sığorta şirkəti Ata Sığorta-dan bildirilib.
Şərqi-Avropa təkrar sığorta şirkətinin icraçı direktoru Sinişa Lavrinçeviç üç günlük səfəri zamanı Ata Sığorta ASC-nin sədri, İdarə Heyətinin sədri və Ümumi Sığorta Departamentinin direktoru ilə görüşüb.
Görüş zamanı tərəflər gələcək əməkdaşlığa və şirkətlər arasında təkrarsığorta sahəsində münasibətlərin inkişafında maraqlı olduqlarını bildiriblər, şirkətdən deyilib.
Sava Re təkrarsığorta qrupunun əsası 1977-ci ildə qoyulub. Qrupun qərargahı Lyublyana (Sloveniya) şəhərindədir. Yanvar-iyun aylarında Sava Re-nin haqları 60 milyon avro, ödəmələri isə 50 milyon avro təşkil edib. Sava Re-ni xarici bazarlarda Sava Osiguranje (Serbiya), Tabak Osiguranje (Makedoniya) və Dukagjini Kompania e Sigurimeve (Kosova) sığorta şirkətləri təmsil edir.
Ata Holding-in tərkibinə daxil olan Ata Sığorta ölkənin sığorta bazarında 2004-cü ildən fəaliyyət göstərir. Şirkət sığortanın 21 növü üzrə könüllü və beş növü üzrə isə icbari sığorta xidmətləri həyata keçirir. Şirkətin ödənmiş nizamnamə kapitalı iki milyon manat təşkil edir.
İyulun 27-nə rəsmi məzənnə 0,8041 AZN/USD təşkil edir.
Məqalə müəllifi ilə əlaqə ünvanı: [email protected]
