Azərbaycan, Bakı, 03 avqust / Trend , müxbir E.İsmayılov /
Azərbaycan, Gürcüstan və Türkiyəni birləşdirən Bakı-Tbilisi-Qars dəmiryolunun inşası çərçivəsində iş planlaşdırılmış qrfaikə uyğun aparılır. Bu barədə bazar ertəsi "Azərbaycan Dəmir Yolları" QSC-nin baş mühəndisi Qurban Nəzirov deyib.
"Bu yaxınlarda ekspertlər qrupumuz Gürcüstanda olub. Orada iş qrafikə uyğun aparılır. Tikintidə və maliyyələşmədə heç bir problem yoxdur", - mənbə deyib.
Ölkənin Nəqliyyat Nazirliyindəki mənbənin əvvəl dediyi kimi, bu layihə çərçivəsində iş normal rejimdə aparılır.
"Azərbaycandan veriləcək güzəştli kredit çərçivəsində Azərbaycan Respublikası Dövlət Neft Fondu (ARDNF) dəmiryolunun Gürcüstan hissəsinin inşası üçün 27,1 milyon manat ayırıb", - bir müddət əvvəl fondun rəhbəri Şahmar Mövsümov bildirmişdi.
Bakı-Tbilisi-Qars dəmiryolunun inşası layihəsinin maliyyələşməsi üçün ARDNF ilin birinci yarısında 1,1 milyon manat ayırıb.
Azərbaycan Bakı-Tbilisi-Qars marşrutunun Gürcüstan hissəsinin bərpasına Neft Fondunan 200 milyon dollar ayırmağı planlaşdırır. "Marabda-Qars dəmir yolu" MMC-nin cari təminatı üçün əmək haqqlarını və dəftərxana xərclərini ödəmək məqsədilə nəzərdə tutulmuş 280 min dollardan çox vəsait verilib.
20,7 milyon manatlıq ilk tranş 2007-ci ildə ayrılıb. 2008-ci ildə ARDNF Gürcüstan ərazisində Bakı-Tbilisi-Qars dəmiryolunun inşası layihəsinin maliyyələşməsinə 5,3 milyon manat yönəltmişdi.
Bakı-Tbilisi-Qars layihəsi çərçivəsində dəmiryol magistralının yeni 105 km-lik qolunun tikintisi planlaşdırılır. Bunun 76 km-i Turkiyə, 29 km-i isə Gürcüstan ərazisindən keçəcək. Bundan əlavə, nəqletmə gücünü ildə 15 mln. ton yükə çatdırmaq üçün Gürcüstanda 183 km-lik Axalkalaki-Marabda-Tbilisi dəmiryolunun 183 km-lik hissəsi yenidən qurulacaq. Axalkalakidə Gürcüstanda mövcud olan dəmiryol xətlərinin Avropa standartlarına uyğunlaşdırılması üzrə məntəqələrin tikilməsi də planlaşdırılır.
Avqustun 03-nə olan rəsmi məzənnə 0,8042 AZN/USD təşkil edir.
Məqalə müəllifi ilə əlaqə ünvanı: [email protected]
