Azərbaycan, Bakı, 06 avqust / Trend , müxbir E.İsmayılov /
Bakı metropoliteni avqustda "Metrovaqonmaş" ASC istehsalı olan 10 yeni vaqon almağı planlaşdırır. Bu barədə cümə axşamı metropolitendəki mənbədən bildirilib.
"Ola bilər ki, bu ay 10 yeni vaqondan birinci partiyanı alaq", - mənbədən deyilib. Bu il Bakı metropoliteni ümumilikdə Rusiya istehsalı olan 15 vaqon almağı planlaşdırır.
Azərbaycana metro vaqonları sonuncu dəfə 2008-ci ildə tədarük olunub. O zaman Bakı metropoliteni 35 vaqon alıb. 2007-ci ildə Bakı metropoliteni 25 vaqon gətirib.
"Metrovaqonmaş" zavodu artıq 30 ildən çoxdur ki, Bakı metropolitenini hər növ dəmiryol nəqliyyatı vasitələri ilə təchiz edir. Moskvaətrafı müəssisələrdə istehsal olunan vaqonlar zavodun parkının təxminən 80 faizini təşkil edir.
Bakı metropoliteni 1967-ci ildən etibarən fəaliyyət göstərir ("İçəri Şəhər" stansiyasından "Nəriman Nərimanov" stansiyasına kimi üç aralıq stansiyası ilə). Metropolitenin yeddi stansiyası ("İçəri Şəhər", "Sahil", "28 May", "Cəfər Cabbarlı", "Xətai", "Nizami Gəncəvi", "Elmlər Akademiyası") dərində yerləşir, "Bakmil" yerüstü, qalanları isə sütunludur, dayazda yerləşir (cəmi 21 stansiya).
Məqalə müəllifi ilə əlaqə ünvanı: [email protected]
