Azərbaycan, Bakı, 10 avqust / Trend /
Dekabrın sonunda Azərbaycan Nəqliyyat Nazirliyi Ələt qəsəbəsində (Bakı yaxınlığında) yeni Beynəlxalq Ticarət Limanının inşası üzrə podratçının müəyyənləşdirilməsi üçün tender elan edəcək. Bu barədə AzərTAC Dövlət İnformasiya Agentliyi Nəqliyyat Nazirliyinin nəqliyat siyasəti və iqtisadiyyat şöbəsinin müdiri Sədrəddin Məmmədova istinadən məlumat verib.
"Limanın baş planı hazırdır və hazırda yerlərdə tədqiqat işləri aparılır", - Məmmədov deyib. Artıq layihənin texniki-iqtisadi əsaslandırılması da hazırdır.
Nİderlandın "Royal Haskoning" şirkəti tərəfindən yeni limanın layihələndirmə işləri aparılacaq. "Royal Haskoning" mühəndis inşaat-layihələndirmə şirkəti Niderlandda 1881-ci ildə yaradılıb.
Bu liman multimodullu olacaq. Logistik mərkəzdən başqa, gələcəkdə bu ərazidə azad iqtisadi zonanın yaradılması planlaşdırılır.
Ələt qəsəbəsində yeni dəniz limanının tikintisi üç mərhələdə həyata keçiriləcək və 2015-ci ildə başa çatdırılacaq. Layihənin 2008-2010-cu illəri əhatə edən birinci mərhələsində konteynerlərin, "ro-ro" tipli gəmilərin və adi (universal) quru yüklərin qəbulu üçün iki bərə, üç yük körpülərinin inşası nəzərdə tutulur. 2011-2013-cü illəri əhatə edən ikinci mərhələdə daha üç yük körpülərinin inşası, üçüncü mərhələdə isə (2014-2015) iki əlavə yük körpüsünün inşası nəzərdə tutulur. Limanın inşası layihəsi 400 milyon dollardan çox qiymətləndirilir.
Məmmədovun dediyi kimi, yeni limanda 11 yanalma körpüsü quraşdırılacaq ki, bunlardan altısı layihənin birinci mərhələsində inşa olunacaq. Belə ki, bu yanalma körpüləri 2009-2011-ci illərdə tikiləcək. İnşası başa çatandan sonra liman 11,6 milyon tona qədər yük qəbul edə biləcək.
Hazırda Xəzər dənizində altı beynəlxalq ticarət limanı var - Bakı (Azərbaycan), Türkmənbaşı (Türkmənistan), Aktau (Qazaxıstan), Həştərxan (Rusiya), Ənzəli və Neka (İran).
